og það snjóar!!?!!

Surprise, surprise!


You're Audrey Hepburn...and classy is your middle
name. You're an angel and you never think about
yourself but what you can do for
others...loverly!


What actress are you?
brought to you by Quizilla

Ralph is dead!

Át annars yfir mig af Sushi á föstudaginn, Jóhanna kann sko alveg að búa til Sushi. Kíkti aðeins niður í bæ og skoðaði sæta stráka. Var bara á bíl, edrú og sæt þambandi vatn!

Pikkaði þetta upp af síðu Ásgeirs aka Gambrans og er sammála (reyndar eitthvað sem ég hef einmitt hugsað nánast orðrétt): "Í jafnréttisumræðunni undanfarið er oft bent á það að konur séu orðnar í meirihluta í Háskólanum. Kannski er það góðs viti, kannski er það vísir að því að launamunur á milli kynjanna verði í framtíðinni öfugur við það sem nú er. En athugum aðeins betur stöðu fólks með háskólamenntun á Íslandi. Er það fólk almennt að fá laun í samræmi við menntun hérna á Íslandi? Nei - það eru vissulega einhver örfá prósent í einhverjum kjarasamningum en ekki nema dropi í hafið miðað við alla vinnuna og fjárfestinguna sem liggur að baki. Athugum að þetta fólk þarf að borga aftur námslán plús það að það hefur orðið af tekjum í x mörg ár til þess að verða hæfari starfskraftar í framtíðinni. Það mætti líklega færa rök fyrir því að háskólanemar séu orðinn einskonar láglaunastétt hérlendis. Það hefur einmitt fylgt flestöllum kvennastéttum að vera láglaunastéttir. Tilviljun?"

Fyrsta einkunn komin; fékk 8,5 í Meðferð talaðs máls.

hahahaha Siggadís skilur ekkert í mér!!! Ég er nefnilega ein af þeim sem fer á líkamsræktarstöðvar í stað þess að vera úti í náttúrunni, en fyrir mig er það nauðsynlegt. Ég fer bæði í Baðhúsið og í jóga og eftir að ég keypti mér kort hef ég verið mikið duglegri við að hreyfa mig sem er algerlega nauðsynlegt að ég geri. Að auki labba ég líka úti við! Mig langar nú alveg til að fá mér línuskauta en því miður er það íþrótt sem ég má alls ekki stunda ekki frekar en hlaup eða miklar álagsíþróttir. Aðrir kostir við að fara í líkamsræktarstöð... gufa, heitur pottur, tækjasalur, etc. svo fyrst sumarið er komið þá fer maður náttúrulega að skella sér í sund með krakkana og meira út að labba.
Mér finnst ég eiginlega orðin alveg hræðilega "healthy" eitthvað... held ég verði að fara að skella mér á djammið!!

En í kvöld er Sushi kvöld hjá Jóhönnu, ég gaf þeim hjónakornum svona Sushi kit í afmælisgjöf í vetur og þau eru orðin svaka dugleg við að gera Sushi. Jóhanna bauð mér líka með sér í sumargleði hjá Fylgifiskum á miðvikudaginn. Nammi namm!

Gleðilegt sumar elskurnar mínar!

You are a goddess!


Which Ultimate Beautiful Woman are You?
brought to you by Quizilla

Vá, hvað ég er ánægð með helgina. Ég vil þakka þeim sem gerðu mér þetta kleift. Jóhönnu og Guðjóni fyrir að bjóða mér uppeftir og fyrir að bjóða mér í heilun. Mömmu fyrir að gefa mér hluta af afmælisgjöfinni með því að borga fyrir mig fæðið og pabba fyrir bensínpeninga. Þetta var sko fyllilega þess virði.

Það leit reyndar augnablik útfyrir það að ég kæmist ekki uppeftir þar sem að bensíndælusjálfsalinn neitaði að trúa leyninúmerinu mínu á föstudaginn langa en mín elskulega systir og maður hennar komu mér til bjargar. Takk fyrir það.

Þessi staður, Hellnar á Snæfellsnesi, er kyngimagnaður. Það er á hreinu.

andvarp... var að koma inn! Við Siggadís röltum okkur í bæinn áðan og kíktum á Ölstofuna og drukkum einn öl og röltum svo til baka. Voða fínt. Við brenndum allavega ölinu.
Nú er bara afslappelsi í kvöld og svo ætla ég að bruna vestur á morgun. Hlakka mikið tilað fá orku úr jöklinum.

Ókei, komst að því í dag að ég hafði rétt fyrir mér varðandi hlaup, þau henta mér ekki, ég fylltist einhverjum fítónskrafti í ræktinni í dag og tók til við að hlaupa á brettinu og vöðvafestingarnar mínar eru ekki sáttar en það er gott fyrir mig að ganga rösklega.

Við Óðinn fórum í göngutúr áðan, eftir að hafa verið svooo dugleg að skúra höllina, kíktum við hjá mínum fagra granna og syni hennar og þáðum kaffi og páskaegg. Ég fékk málsháttinn seint fyrnast fornar ástir og Óðinn fékk oft hafa fagrar hnetur fúinn kjarna.

Vegna fjölda áskorana þá hef ég ákveðið að fara á Hellnar á föstudaginn og vera fram á mánudag. Held að ég hafi mjög gott af því að fara og fá smá orku frá jöklinum.

Mig vantar líka enn vinnu ef einhver hefur verkefni handa mér.

Jamm tveir kúrsar alveg búnir jafnvel þrír, spurning um það hvað ég er metnaðarfull. Ég hef semsagt möguleika á að skila verkefni á morgun og reyna að rífa 8-una mína upp í 8,5 eða eitthvað en spurning hvort það er þess virði. Annars á ég bara eitt verkefni eftir sem gildir 50% og það er fyrir Textagerð. Má skrifa nokkurn veginn hvað sem er sko og það gerir málið erfiðara. Svo eru páskarnir framundan og mikið barnleysi...spurning hvað maður gerir við allan þann tíma. Vantar alveg að hafa einhvern til að slappa af með og kúra og fara í göngutúra og svoleiðis. EKki það að það er ósköp gott að slappa af einn. Veitir eiginlega ekki af. Hrúga bara upp dvd myndum og ligg svo í leti. Verð reyndar að fara í einhverja göngutúra líka.
Reyndar er mér boðið á Hellnar en ég þarf að borga fyrir að koma mér þangað og svo fyrir mat þar sem myndi lítið en samt of mikið... veit ekki alveg hvað ég geri. Hugs hugs þangað til á morgun.

Dísa er komin til New York og kemur vonandi til með að blogga af miklum móð. Annars er allt gott að frétta af unga manninum. Líklega voru þetta æðabólgur af völdum vírussýkingar en hann var að sjálfsögðu nýstiginn úr flensu. Ætla að slá þessu upp í kæruleysi og fara með systur minni í bíó í kvöld.

Jæja ekkert varð af keilunni né Shalimar í gær en ég endaði með því að borða hamborgara með systur minni og horfa á Vini hjá henni.
Dagurinn dag var ágætlega bissý, endaði svo á því að fara með unga manninn á læknavaktina vegna undarlegra útbrota og bólgu á fæti. Læknirinn stóð bara og gapti og vissi ekkert í sinn haus, sendi okkar á bráðavakt barnaspítalans (mjög huggó þessi nýji spítali). Þeir vissu ekkert heldur. Þar sem Óðinn vildi ekki pissa hjá þeim vorum við send heim með glas og fyrirmæli um að skila þvagprufu í fyrramálið og koma aftur í skoðun á morgun. Fyrr ef hann versnaði. Vei og ég sem þarf að mæta í tvær fermingar að auki. En hann er merkilega hress litli maðurinn og við plumum okkur eins og alltaf.

Það var skammvinnur bati hjá unga manninum, einn dag í leikskólann og nú veikur aftur. Nú er eyrnabólga og mikið kvef að hrjá hann litla skinnið. Ég er líka frekar þreytt þar sem að lítið fór fyrir svefni í nótt. Ég komst samt í klukkutíma í skólann áðan... bara rétt náði í endann á seinni tímanum af fyrri tímanum og Hlédís litla diskódrottning bauð mér að borða á Deli þar sem ég var eiginlega orðin alveg aðframkomin af þreytu og hungri. Svo fór ég heim aftur til að hleypa Jónasi í skólann. Það er heilmikið plan hjá okkur gellunum í hagnýtu á eftir í tilefni þess að skólinn er búinn að mestu og leiðir skiljast eftir frábært ár. Planið er að fara á Vegamót eftir tíma sem lýkur klukkan 15.00, svo á að fara í keilu klukkan 17.00 og á Shalimar kl.19.00 og partý hjá Dögg kl. 21.00. Vegna veikinda, ferminga, gestakomu og almennrar þreytu verð ég víst að taka þvi rólega en ég fer allavega á Vegamót á eftir og mig langar mjöööööög mikið með þeim á Shalimar, og kannski bara keilu líka. Dagga stóra sys er nefnilega mjög góð og ætlar að leyfa litla veika skinninu að koma til sín. EN það verður ekkert partýstuð á mér í kvöld. Það er öruggt. Ég djamma bara um páskana.

Reykingafólk og matarfíklar eru í málaferlum við stærstu fyrirtæki heims. Ég ætla í mál við Tuborg útaf öllum ljótu strákunum sem ég hef sofið hjá!

barasta einn dagur eftir í skólanum jibbí!
Ekki eins mikið jibbí að ég fer á Vínbarinn í kvöld að kveðja hana Dísu mína sem ætlar að halda út í hinn stóra heim á laugardaginn. New York, New York.

á maður að hætta þessu bulli?? er frekar þreytt í dag!
Var meiraðsegja boðin pössun í kvöld en það eru allir svo óggeðslega bissý!! enda kannski bara með því að fara í ræktina hahahaha!

Ég var í sjónvarpinu áðan... sást nú ekki mikið en rifjaði upp minningar um yndislegan mat, sjá á Heima er bezt.

Þriðjudagur, rok og rigning, ég sit inni og reifa dómsmál. Óðinn er enn veikur!
Kynþáttafordómar! Var sanngjarnt að dæma Hlyn til sektar fyrir ummæli sín í helgarblaði DV þann 17. febrúar 2001 þar sem hann sagði ljótt um fólk sem býr í Afríku? eða hefur hann rétt á að tjá sínar skoðanir eins og aðrir þó að þær séu ekki "politically correct"?!? Má maður bara tjá sig upphátt ef það er jákvætt og gott?!? Er ekki tilgangur fjölmiðla að endurspegla samfélagið? Er það ekki staðreynd að það er fólk í samfélaginu sem hefur ólíkar skoðanir... er ekki nauðsynlegt að benda á það í fjölmiðlum. Svo sumir geti hætt að hrista hausinn og halda því fram að það séu ekki til fordómar á Íslandi.

Fordómar grassera í íslensku þjóðfélagi, hver kannast ekki við að hafa hneykslast á matarvenjum annarra, oj skemmiru kaffið með því að setja mjólk í það? seturu smjör á linsoðna eggið þitt? borðaru ekki kjöt!? Finnst þér Tom Cruise ekki sætur?! Hvernig er hægt að búa upp í sveit?!? þ.e. austan við Elliðaár, aðrir myndu aldrei búa vestan við þær.
Jeminn, horfiru á Bachelor?!? djísus, sumum finnst bara lágkúra að horfa á sjónvarp yfirleitt eða að lesa glanstímarit. Svo er ekki sama hvað maður hlustar á, hvernig maður klæðir sig.
Það eru til þeir sem eru menntasnobbarar og líta niður á þá sem ekki "nenna" að læra og svo eru þeir sem vinna hörðum höndum allt sitt líf og skilja ekkert í því hvað fólk er að sóa tíma sínum í menntastofnunum.
Einu sinni, fyrir margt löngu þegar ég var í FÁ, þá sat ég á Múlakaffi eins og svo oft og reykti og drakk te, þá nefnilega reykti ég ennþá en var ekki byrjuð að drekka kaffi. Semsagt ég var að lesa Ísfólkið í þriðja eða fjórða sinn og sessunautur minn, sem var stúlka, átti ekki til orð yfir því að ég væri að lesa svona bækur. Þetta væru nefnilega bara svona frystihúsabókmenntir. Hmmmm, ég hélt nú bara áfram að lesa bókina sko og ég hef aldrei unnið í fiski (fordómalaust samt).
Ég er sjálf haldin fordómum og hef örugglega staðið sjálfa mig að öllum þeim sem ég hef talið upp hér að ofan. Best þótti mér samt í haust þegar ég var tímabundið skráð inná einkamál.is að ég valdi úr bréfunum eftir hæð strákana og aldri. Talaði semsagt helst ekki við neina undir 1.80 og yfir 35. Hmm, leiðrétti þessa villu mína og á nú mjög góðan vin sem er AÐEINS 1.72. Hahahaha. Lifið heil.

Óðinn er enn veikur! Og fimm vikur til afmælis. Ein vika eftir af skólanum. Á eftir að gera 3 verkefni og taka eitt próf en það er næsta mánudag í Meðferð talaðs máls. Felst í því að lesa texta, ekki mjög flókið. Bara muna að anda og lesa með tilfinningu. Still feeling good!

Mikið er þetta búin að vera góð helgi. Hef eytt henni með yndislegu fólki og í dag fór ég í fermingu hjá yndislegri frænku minni henni Ölfu. Þar hitti ég mikið af góðu frændfólki og marga sem ég hef ekki hitt lengi.
Í gær kom Helga í heimsókn og við borðuðum góðan mat og drukkum gott hvítvín. Hana sendi ég síðan á skátaball og fékk sjálf heimsókn frá góðum vini sem dvaldist til klukkan 4 í morgun, drakk aðeins gin og tónik meðan við spjölluðum, virðist lina gigtina sko, hí hí :). Ahhhhhhhhhhh, yndislega líf.


Fékk heimsókn frá einhverjum með endinguna .ru sem er líklega rússland og ég sá að hann fann síðuna með því að slá upp á Google =matur woman= gaman að vita með hverjum ég kem upp hahahaha. Sá hefur orðið fyrir vonbrigðum þegar hann opnaði mína síðu!

Gyrðir Elíasson rithöfundur er 42 ára í dag, ég man það vegna þess að ég tók svo oft við pöntunum af honum þegar ég vann í Bóksölunni. Man því kennitöluna hans. Hér er eitt ljóða hans.

Síðasta kaffiljóðið - Fyrir myrkurbörnin

Í hverju einasta
húsi,
steinhúsi
glerhúsi
timburhúsi
er verið að hella
upp á kvöldkaffi
og þegar ég lít
héðan af trébekknum
í moldargarðinum
út á hafið
er það dökkt
og ilmandi.

"Some people are settling down, some people are settling and some people refuse to settle for anything less than butterflies." - Carrie


Góður þáttur í kvöld.

Vá, vá vá vá hvað það var gaman að gera útvarpsþátt.
Skrýtið hvað mér fannst ég eiga heima í þessu stúdíói!

Alltaf nóg að gera!

Ég var nú ekki að trúa þessari bankaræningjafrétt í gær og var alveg viss um að hún tengdist 1.apríl en ekki alvöru fréttamennsku, þar með klikkaði ég alveg á að finna út hvaða fréttir voru í tilefni dagsins.

Dóttir mín og sonur fengu bæði að vera heima i dag enda almennt slen yfir okkur í morgun, hitavella og höfðuverkir auk magaónota en nú eru allir við hestaheilsu nánast. Unnur málaði mynd sem hún kom svo með inn í eldhús til mín og sýndi mér. Myndin var af hjarta sem yfir stóð KHH og útfrá hjartanu voru mislitir geislar og svo sagði hún við mig að ég væri hjartað og allt í kring væri það góða sem ég gæfi þeim... ég fékk tár í augun og kökk í hálsinn. Óðinn málaði svo mynd af því hvar við eigum heima, Íslandi. Hvílík sæla að eiga svona yndisleg börn.

President Bush went for a check up. His doctor said:
"Mr. President, I am sorry to inform you, that you have a problem in your brain.
Your brain has two parts, one Left and one Right. The Left part has nothing
right in it, and the Right part has nothing left in it."

Sat á Kaffitári frá klukkan 9 í morgun til 2 eftir hádegi, drakk soja latté og líkaði ágætlega. Sojamjólk er fín í kaffi þegar búið er að hita hana. Ótrúlega notalegt að sitja á kaffihúsi sem ekki er reykt á. Þegar ég kom út þá fann ég kaffilykt af fötunum mínum. Mmmm. En ástæðan fyrir þessari löngu veru minni þar var sú að ég, Ásta Beck og Björg (þær eru með mér í náminu) vorum að vinna að útvarpsþættinum okkar sem (surprise) fjallar um kaffi. Ég þarf svo að skrifa eina grein fyrir morgundaginn, klára skattaskýrsluna í kvöld, lesa inn á spólu eitt ljóð og skrifa smá frásögn fyrir fimmtudaginn auk þess að reifa kynþáttafordómadóminn þarna yfir Hlyni í Íslenska þjóðernisfélaginu og kommenta á hann í ljósi tjáningafrelsislaganna og Jersild-dómsins. Ble ble bla bla....
svo er hljóðnemapróf á laugardaginn! :-O
Já og ég fer í stúdíó á fimmtudagskvöldið!!!

Ahh, já og Óðinn er orðinn veikur!